അടിസ്ഥാന വിവരങ്ങള്‍

ഏഴോം പഞ്ചായത്തില്‍ പട്ടിക വര്‍ഗ്ഗ കുടുംബങ്ങളില്ല പുലയന്‍ ,മലയന്‍ , വണ്ണാന്‍ ‍, വള്ളുവ, പുള്ളുവ, വേലന്‍ എന്നീ പട്ടികജാതി വിഭാഗങ്ങളാണ് ഏഴോംപഞ്ചായത്തിലുള്ളത് . പുലയജാതിയില്‍ പ്പെട്ടവരാണ് കുടുതല്‍ . 

ഏഴോം ഗ്രാമപഞ്ചായത്തിലെ പ്രമുഖ വ്യക്തികള്‍
 
1. ടി.പി.കുഞ്ഞിരാമന്‍ - ഏഴോം
    ഏഴോത്ത് കര്‍ഷ സംഘം രൂപീകരിക്കാന്‍ മുന്നിട്ടിറങ്ങി. ഏഴോംഗ്രാമപഞ്ചായത്തിന്റെ ആദ്യ പ്രസിഡണ്ട്. പഞ്ചായത്തിന്റെ നാനാതുറകളിലുമുള്ള വികസനത്തിന്  ദീര്‍ഘ വീക്ഷണത്തോടെ പ്രവര്‍ത്തിച്ചു. 1956 മുതല്‍  28 വര്‍ഷം ഏഴോം പഞ്ചായത്ത് ഭരിച്ചു. ഗ്രാമപിതാവ് എന്ന പേരില്‍  ആദരിക്കുന്നു.
 
 
2. ശ്രീ.കാക്കാമണി കുഞ്ഞിക്കണ്ണന്‍

കേരളത്തില്‍  സഹകരണ പ്രസ്ഥാനം ആരംഭിച്ചത് 1940 കളില്‍ ആണ്.  ദുരിത പൂര്‍ണ്ണമായ  സാഹചര്യത്തില്‍ കര്‍ഷകരുടെ ഉല്പന്നങ്ങള്‍ സംഭരിക്കാനും ആവശ്യക്കാര്‍ക്ക് വിതരണം ചെയ്യാനും പി.സി.സി.കള്‍ നിലവില്‍ വന്നു. ആദ്യകാലത്ത് കേരളത്തില് 107  പി.സി.സി.കള്‍  രൂപം കൊണ്ടു. 40 കളില്‍  തന്നെ ഏഴോത്തും പി.സി.സി കള്‍ നിലവില്‍ വന്നു. 1946 ല്‍  ഏഴോം പഞ്ചായത്തിലെ എരിപുരത്ത് സ്ഥാപിച്ചതാണ് മാടായി പി.സി.സി.സൊസൈറ്റി.

ഏഴോം ഗ്രാമ പഞ്ചായത്ത്  പ്രത്യേക നേട്ടങ്ങള്‍ 
 
 
1.ഇന്ത്യയില്‍ ആദ്യമായി സമ്പൂര്‍ണ്ണ സാക്ഷരത കൈവരിച്ച ഗ്രാമം
2.സമ്പൂര്‍ണ്ണ  ഏഴാംതരം തുല്യത നേടിയ ഇന്ത്യയിലെ ആദ്യ ഗ്രാമം എന്ന പ്രഖ്യാപനത്തിനു കാത്തിരിക്കുന്നു
3.കേന്ദ്ര സര്‍ക്കാറിന്റെ "നിര്‍മ്മല്‍  ഗ്രാമ പുരസ്കാരം" 2007 ല്‍ കരസ്ഥമാക്കി.
4.സമ്പൂര്‍ണ്ണ ബചത്ത് പഞ്ചായത്ത് എന്ന ബഹുമതി നേടി.
5.സമ്പൂര്‍ണ്ണ കമ്പ്യൂട്ടര്‍  സാക്ഷരത നേടിയ പഞ്ചായത്ത്.